دھابیجی پمپنگ اسٹیشن پر بجلی کے بریک ڈاؤن سے پائپ لائن پھٹ گئی، جس کی وجہ سے کراچی کے مختلف علاقوں میں پانی کی قلت کا خدشہ پیدا ہوگیا۔
متعلقہ حکام کے مطابق 72 انچ قطر کی پائپ لائن نمبر 5 بیک پریشر کے باعث پھٹی۔اس پائپ لائن سے کراچی کو پانی فراہم کیا جاتا ہے۔
متعلقہ حکام نے یہ بھی بتایا ہےکہ پائپ لائن پھٹنے سے پمپنگ اسٹیشن کے 19 پمپ بند ہو گئے ہیں۔
واضح رہےکہ 2 روز قبل بھی بجلی کے بریک ڈاؤن سے پمپنگ اسٹیشن کی 2 پائپ لائنیں پھٹ گئی تھیں۔
