تحریک انصاف نے انٹرا پارٹی انتخابات کالعدم قرار دینے کے الیکشن کمیشن کے فیصلے پر ردعمل دے دیا۔
ترجمان کا کہنا ہےکہ الیکشن کمیشن کے فیصلے نے پی ٹی آئی اور چیئرمین عمران خان کو انتخابات سے باہر رکھنے کی سازش بے نقاب کردی۔
ترجمان کا کہنا تھا کہ الیکشن کمیشن کے فیصلے میں انصاف کے تقاضوں کو پورا نہیں کیا گیا۔ الیکشن کمیشن کے فیصلے کو مناسب فورم پر چیلنج کیا جائے گا، چئیرمین کی ہدایات پر آئندہ لائحہ عمل طے کریں گے۔
