لاہور:پاکستانی شوبز انڈسٹری کی معروف اداکارہ ماورا حسین اور امیر گیلانی شادی کے بندھن میں بندھ گئے ۔ماوراحسین نے شادی کی تصاویرجاری کردیں ۔جوڑے نے مشترکہ پوسٹ کے کیپشن میں لکھا ’بالآخر افراتفری کے عالم میں، میں نے آپ کو ڈھونڈ لیا‘۔انسٹاگرام پوسٹ پر شوبز شخصیات اور مداحوں کی جانب سے جوڑے کو مبارکباد اور نیک کواہشات کا اظہار کیا جا رہا ہے۔
تصاویر میں ماورا حسین کی بہن عروہ حسین اور بہنوئی فرحان سعید بھی شامل ہیں۔جنوری 2022 میں شادی سے متعلق سوال پر ماورا حسین کا کہنا تھا کہ وہ شادی کے رشتے سے خوفزدہ نہیں ہیں کیونکہ انہوں نے اپنے اردگرد کئی ایسے لوگوں کو دیکھا ہے جنہوں نے شادی کے بعد اداکاری کی اور اس رشتے کو خوبصورتی سے نبھایا ہے اور انہیں شہرت شادی کے بعد حاصل ہوئی۔
اداکارہ کا کہنا تھا کہ شادی اور کامیابی کے درمیان کوئی تعلق نہیں ہے جب احساس ہوجائے گا یا اتنی قابل ہوجاو¿ں گی کہ شوبز اور شادی میں توازن برقرار رکھ سکوں اور دونوں کو بہتر انداز میں نبھا سکوں گی تو شادی بھی کرلوں گی۔
