اسلام آباد:وزیر دفاع خواجہ آصف نے کہا ہے کہ ہم کل جماعتی کانفرنس کے لیے پاکستان تحریک انصاف کے پاس جانے کیلئے تیار ہیں۔ اے پی سی کی دعوت دینے جانے کیلئے تیار ہیں وہ بھی غیر مشروط شرکت کریں۔خواجہ آصف نے کہا کہ معاشی ترقی کی ٹھنڈی ہوا پہلے بلوچستان کے عوام کو محسوس ہونی چاہیے، ملک کے لئے اچھے عمل میں شمولیت کےلیے شرط لگائی جائے یہ ان کا یقین ہے۔
وزیر دفاع نے میڈیا سے گفتگوکرتے ہوئے کہا کہ ہماری قیادت جیل میں رہی، پارٹی تمام عمل میں شمولیت کرتی رہی، جو ٹوئٹ میں نے پڑھا ہے وہ پی ٹی آئی کے آفیشل اکاو¿نٹ سے ہوا ہے۔انہوں نے کہا کہ بےنظیر بھٹو دہشت گردی کا شکار ہوئیں، ان کی پارٹی نے کبھی کوئی چیز مشروط نہیںکی۔خواجہ آصف نے کہا کہ پیپلز پارٹی نے قومی مسائل پر کسی جگہ شرط نہیں لگائی، اگر پی ٹی آئی پہلے ہی مشروط کر رہی ہے تو اس سے نیت کا پتہ چلتا ہے۔
انکا کہنا تھا کہ پی ٹی آئی والے ایک شخص اور اپنے مفادات کی جنگ لڑ رہے ہیں، ہم بھی اس ڈرائینگ روم کی میٹنگ میں ہوتے تھے جہاں باہر دو افسران ہوتے تھے۔خواجہ آصف نے کہا کہ ان میٹنگز کو اسد قیصر کنڈکٹ کرتے تھے افسران بتاتے تھے کہ یہ فیصلے کرنے ہیں، بانی پی ٹی آئی کا ایک بیان دکھادیں جو دہشت گردی کے خلاف دیا ہو۔
