اسلام آباد: حکومت نے چھوٹے تاجروںکی تحریک کے آگے گھٹنے ٹیک دیئے اور تاجردوست اسکیم میں تبدیلیاں کرنے پرآمادگی ظاہرکردی ہے۔تفصیلات کے مطابق فیڈرل بورڈ آف ریونیو تاجر دوست اسکیم میں بڑی تبدیلیاں لانے کا عندیہ دے دہا ہے۔ذرائع کے مطابق مارکیٹ سروے اور چھوٹے دکانداروں کی رجسٹریشن روک کر بڑے خوردہ فروشوں کے خلاف کارروائیاں کی جائیں گی۔
ادارہ چھوٹے خوردہ فروشوں یا تاجروں سے ٹیکس وصول کرنے کے بجائے معتبر معلومات کی بنیاد پر بڑے تاجروں اور خوردہ فروشوں کے خلاف کارروائیاں شروع کرے گا۔ایف بی آر اب ریٹرنز، ڈیٹا سیکورٹی اور کمرشل بجلی کی کھپت کے ڈیٹا کے تجزیے کی بنیاد پر بڑے ریٹیلرز ،دکانداروں،تاجروں کو رجسٹر کرے گا اور فی دکان،رٹیل آو¿ٹ لیٹ پر فکسڈ ٹیکس کی موجودہ پالیسی کو معطل کر دے گا۔
اب تک کی پالیسی موثرثابت نہیں ہوسکی ہے اور تاجر دوست اسکیم مطلوبہ محصول وصول کرنے میں بری طرح ناکام رہی ہے۔ پہلی سہ ماہی میں ہدف 10 ارب روپے رکھا گیا تھا اور دوسری سہ ماہی (اکتوبر-دسمبر) کی مدت کے لئے ٹی ڈی ایس کی وصولی 23.4 ارب روپے تک جانے کا ہدف تھا۔ ایف بی آر نے رواں مالی سال کے دوران ٹی ڈی ایس کے ذریعے 50 ارب روپے کی وصولی کےلئے آئی ایم ایف سے اتفاق کیا ہے۔
