اسلام آباد: وفاق نے رائٹ سائزنگ اقدامات کے تحت تمام عارضی آسامیوں کو ختم کرنے کا فیصلہ کیا ہے۔تفصیلات کے مطابق عارضی آسامیوں کو ختم کرنے سے متعلق وزارت خزانہ نے وفاقی کابینہ کا فیصلہ تمام وزارتوں اورچڈویڑنز کو بھجوادیا ہے، وزارت خزانہ نے ہدایت دی ہے کہ تمام عارضی اور ہنگامی آسامیوں کو ختم کیا جائے۔وزارت خزانہ نے مزید کہا کہ وفاقی کابینہ کے فیصلے پر عمل درآمد کو یقینی بنایا جائے، فیصلے حکومتی رائٹ سائزنگ کمیٹی کی سفارشات کے تحت کیے گئے ہیں۔
ذرائع نے بتایا کہ نائب قاصد، سیکیورٹی گارڈ، مالی اور خاکروب کی آسامیاں ختم ہوں گی، سینٹری ورکرز، ریکارڈ سارٹر، کارپنٹر، الیکٹریشن اور پلمبر کی آسامیاں بھی ختم ہونگی۔ان آسامیوں کیلئے نئی بھرتیوں پر بھی پابندی عائد ہوگی، وفاقی اداروں میں کلیننگ، پلمبنگ اور باغبانی کا شعبہ آوٹ سورس کیا جائیگا، مستقبل میں وزارتیں، ڈویڑنز اور ادارے ایسی بھرتیاں نہیں کریں گی۔
ذرائع نے مزید بتایا کہ وزارتوں، ڈویڑنز، اداروں میں خالی آسامیوں کو ڈائینگ پوسٹس تصور کیا جائیگا، جنرل کامن اور نان کورسروسز کو آوٹ سورسنگ کے ذریعے مینج کیا جائے گا۔
