ن لیگ اور پیپلز پارٹی کے درمیان لفظی جنگ شدت اختیار کرگئی، رہنماؤں نے ایک دوسرے پر الزامات کی بوچھاڑ کردی۔میڈیا سے گفتگو میں پیپلز پارٹی رہنما ندیم افضل چن نے کہا کہ سابق اتحادی اداروں کے پیچھے چھپ رہے ہیں،کوئی ووٹ کو عزت دو کے نظریے سے بھاگ گیا تو اس میں ہمارا کیا قصور؟ جو اُن کیلئے گڑھ تھا، اب گڑھا بن گیا۔
ادھر ن لیگ کے رہنما جاوید عباسی نے کہا کہ پیپلز پارٹی کے پاس بھٹو کے علاوہ پیش کرنے کو کچھ نہیں، بھٹو مرچکا، وہ زندہ نہیں۔
