کراچی کی مصروف شاہراہ مائی کلاچی روڈ پر مسلح ملزمان نے فائرنگ کرکے ٹریفک پولیس اہلکار کوقتل کردیا۔ابتدائی اطلاعات کے مطابق واقعہ مائی کلاچی روڈ پر پھاٹک کے قریب پیش آیا جہاں نامعلوم موٹرسائیکل سوار ملزمان نے پولیس اہلکار پر فائرنگ کر دی۔ اہلکار کو دو گولیاں لگیں اور وہ موقع پر ہی دم توڑ گیا۔اہلکار کی شناخت 30 سالہ زین محمد کے نام سے ہوئی جس کی میت کو اسپتال منتقل کر دیا گیا ہے۔
بتایا گیا ہے کہ واقعہ کے وقت پھاٹک کے قریب واقعے چوکی میں مزید دو ٹریفک پولیس اہلکار بھی موجود تھے تاہم متوفی اہلکار اکیلا باہر کھڑا تھا۔ٹریفک پولیس اہلکار زین محمد سلطان آباد ٹریفک سیکشن میں تعینات تھا اور اس نے سال 2023 میں ٹریفک پولیس میں ملازمت اختیار کی تھی۔ شہید ٹریفک پولیس اہلکارکیماڑی کا رہائشی تھا۔
