امریکی نمائندہ خصوصی برائے افغانستان تھامس ویسٹ نے کہا ہے کہ ٹی ٹی پی کو طالبان کی حمایت حاصل ہے اور دونوں کے درمیان گہرے تعلقات ہیں۔ انہوں نے پاکستان کو دہشت گردی کیخلاف جنگ میں مددگار قرار دیا۔
ایک انٹرویو میں تھامس ویسٹ نے کہا کہ تحریک طالبان پاکستان خطے کے امن کیلئے شدید ترین خطرہ ہے، پاکستان نے ٹی ٹی پی کو سرحد پار دھکیل دیا تو وہ طالبان کے اتحادی بن گئے۔
انہوں نے کہا کہ پاکستان دہشت گردی کیخلاف جنگ میں رکاوٹ نہیں مددگار ہے، پاکستان میں ٹی ٹی پی کی جانب سے افغان سرزمین کو استعمال کرکے حملوں میں اضافہ دیکھنے میں آیا ہے۔