کراچی سمیت سندھ بھرمیں بانی پی ٹی آئی کی رہائی کیلئے مظاہرے

کراچی:پاکستان تحریک انصاف کی کال پر ملک بھر کی طرح سندھ بھر میں بانی چیئرمین عمران خان کی رہائی کے لئے احتجاجی مظاہرے کئے گئے اور ریلیاں نکالی گئیں۔ کراچی میں پی ٹی آئی سندھ کے صدر حلیم عادل شیخ کی قیادت میں کراچی کے حسن اسکوائر سے ریلی نکالی گئی۔ ریلی میں پی ٹی آئی سندھ کے رہنماو¿ں رضوان نیازی، عالمگیر خان، معظم خان، عابد قریشی، مس سیم خان،علامہ مولانا جمیل اظہر وتھرا، انور مہدی، عائشہ رشید سمیت دیگر رہنماو¿ں نے شرکت کی۔

ریلی کے شرکا سے خطاب کرتے ہوئے پی ٹی آئی سندھ کے صدر حلیم عادل شیخ نے کہا بانی چیئرمین عمران خان پاکستان کی بقا کی جنگ لڑ رہے ہیں انہیں جھوٹے کیسز میں جیل میں پابند سلاسل کیا ہوا ہے عوام پر بھی فرض ہے اپنے لیڈر کے لئے سڑکوں پر نکلیں اور اپنا احتجاج ریکارڈ کروائیں۔

پی ٹی آئی سندھ کے ایڈیشنل جنرل سیکریٹری رضوان نیازی نے کہا کہ پورے پاکستان میں عمران خان کی رہائی کے لئے پرامن احتجاج کیئے جارہے ہیں قوم کے لیڈر عمران خان کو بے دردی سے جیل میں رکھا ہوا ہے،موجودہ حکمران عمران خان سے ڈرے ہوئے خوفزدہ ہیں ان کو معلوم ہے عمران خان باہر آئیں گے تو پوری قوم ان کے ساتھ ہوگی۔

اس خبر پر اپنی رائے کا اظہار کریں

اپنا تبصرہ بھیجیں