اے ٹی سی لاہور نے تھانہ شادمان میں جلاؤ گھیراؤ کے مقدمے میں تحریک انصاف کے 8 رہنماوں کو اشتہاری قرار دے دیا۔
انسداد دہشت گردی عدالت کی جج نے تفتیشی کی درخواست پر سماعت کی۔
عدالت نے میاں اسلم اقبال، جمشد چیمہ، حسان نیازی، حماد اظہر کو اشتہاری قرار دے دیا، مسرت چیمہ، زبیر خان نیازی، فرخ حبیب سمیت دیگر کو بھی اشتہاری قرار دیا گیا ہے۔
تفتیشی افسر نے عدالت میں مؤقف اپنایا کہ ملزمان کو گرفتار کرنے کے لیے چھاپے مارے گئے، ملزمان نے گرفتاری کے خوف سے خود کو روپوش کر رکھا ہے۔
