ورلڈ کپ کرکٹ 2023ء میں ٹیم پاکستان اپنی مہم کا آغاز آج کرے گی، حیدرآباد میں گرین شرٹس کا مقابلہ نیدرلینڈز سے ہوگا۔
کرکٹ کا ورلڈ کپ شروع ہوگیا، ٹیم پاکستان کی تیاریاں بھی مکمل ہوگئیں۔ میگا ایونٹ میں گرین شرٹس اپنی مہم کا آغاز آسان حریف نیدرلینڈز کے خلاف حیدر آباد دکن میں کرے گی، جہاں ٹیم پاکستان نے بھرپور ٹریننگ کی اور دو وارم اپ میچز بھی کھیلے۔
میچ کیلئے پاکستان کی ممکنہ فائنل الیون میں امام الحق کے ساتھ اننگز فخر زمان شروع کریں گے یا عبداللہ شفیق اس کا فیصلہ ہونا ہے۔ دیگر بیٹرز میں بابر اعظم، محمد رضوان، سعود شکیل، افتخار احمد شامل ہوں گے۔
اسپن کا شعبہ شاداب خان اور محمد نواز سنبھالیں گے، تو پیس اٹیک شاہین آفریدی، حارث رؤف اور حسن علی پر مشتمل ہوگا۔
