ہوجاوے جے حاضری (ڈاکٹر وسیم عباس)

ہو جاوے جے حاضری دوراے سرکار دے
مک جاون دکھ درد سارے اس بیمار دے

وکھو وکھ جتھے جاکے اک ہوندے
عرشی فرشی سارے اکھ مکھ ہوندے
نا کوئی نوری تے نا کوئی ناری اے
اوتھے سب ای اونادے پجاری اے

ہو جاوے جے حاضری دوراے سرکار دے
مک جاون دکھ درد سارے اس بیمار دے

ایتھے وَسدے نے مصطفیٰ دے پیارے
ایتھے سَجدے نے مرتضٰی دے دلارے
ایتھوں روشنیاں چانن لیندیاں نے
ایتھوں رحمتاں پانی بھردیاں نے

ہو جاوے جے حاضری دوراے سرکار دے
مک جاون دکھ درد سارے اس بیمار دے

بھلا اس سوہنے دی تعریف وی کوئی کر سکیا اے
اے شعبہ بس رب اپنے تائیں ای رکھیا اے
واری ساڈا دین ایمان عرب دے سوہنے توں
جائیے صدقے تے قربان عرب دے ڈھولے توں

ہو جاوے جے حاضری دوارے سرکار دے
مک جاون دکھ درد سارے اس بیمار دے

بے شک وائے گزر تیرا اوتھوں روز ہوندا
سانوں وی او گلیاں ویکھن دا ذوق ہوندا
ہن جے توں جاویں تے سنیڑا لیجاویں
دسیں جا کے اے گل دوارے سرکار دے

ہو جاوے جے حاضری دوارے سرکار دے
مک جاون دکھ درد سارے اس بیمار دے

اس خبر پر اپنی رائے کا اظہار کریں

اپنا تبصرہ بھیجیں