کراچی: پاکستان میں ذوالحج 1445 ہجری کا چاند نظر آگیا، ملک بھر میں عید الاضحیٰ 17 جون پیر کو ہوگی۔
تفصیلات کے مطابق مرکزی رویت ہلال کمیٹی کے چیئرمین مولانا عبدالخبیر آزاد نے پریس کانفرنس کرتے ہوئے کہا کہ پاکستان میں ذوالحج کا چاند نظر آگیا ہے، چاند نظر آنے کے بعد ملک میں یکم ذو الحج 8 جون اور 10 ذی الحج یعنی عید الاضحیٰ 17 جون بروز پیر کو ہوگی۔
ان کا کہنا تھا کہ آج پاکستان کے مختلف مقامات مطلع ابرآلود رہا، پاکستان میں مختلف علاقوں سے چاند نظر آنے کی شہادتیں موصول ہوئیں، پشاور، کوہاٹ، کرک اور دیگرعلاقوں سے شہادتیں موصول ہوئیں۔
