کراچی:پاکستان میری ٹائم سیکیورٹی ایجنسی اور ڈائریکٹوریٹ آف کسٹمز انٹیلی جنس، کراچی نے مشترکہ طور پر سمندر میں ) 6سو75کلوگرام اعلیٰ کوالٹی کی آئس قبضے میں لے لی جبکہ سات ملزمان کوگرفتارکرلیاگیا۔ ڈائریکٹوریٹ آف کسٹمز انٹیلی جنس، کراچی کے ساتھ انٹیلی جنس پر مبنی آپریشن میں میری ٹائم سیکیورٹی آپریشنز کرتے ہوئے، پاکستان میری ٹائم سیکیورٹی ایجنسی کے جہاز، نے بحیرہ عرب میںایک کشتی پر بورڈنگ آپریشن کیا اور کامیابی سے675 کلوگرام آئس کا بھاری ذخیرہ پکڑ لیا۔
ضبط شدہ منشیات کا تخمینہ قیمت 37 ملین امریکی ڈالر یا بین الاقوامی مارکیٹ میں 10 بلین روپے ہے۔منشیات کشتی کے مختلف حصے میں چھپائی گئی تھیں۔اور اس کارروائی کے دوران کشتی کے عملے کے07 افراد کو بھی گرفتار کر لیا گیا۔گرفتار اسمگلر اور منشیات کا ذخیرہ قانونی کارروائی کے لیے ڈائریکٹوریٹ آف کسٹم انٹیلی جنس کراچی کے حوالے کر دیا گیا ہے۔
