کشمور میں راکٹ کا گولہ پھٹ گیا، 5 بچوں سمیت 8 افراد جاں بحق

ضلع کشمور کی تحصیل کندھ کوٹ میں کچے کے علاقے گھوڑہ گھاٹ کے ایک گھر میں راکٹ کا گولہ پھٹ گیا۔دھماکے کے نتیجے میں 5 بچوں سمیت 8 افراد جاں بحق اور 5 زخمی ہوگئے۔پولیس کی ابتدائی تفتیش کے مطابق راکٹ کا گولہ بچوں کو زرعی زمین سے ملا تھا۔

ایس ایس پی روحل کھوسو نے بتایا کہ تفتیش کے مطابق بچے راکٹ کا گولہ گھر لے آئے تھے جو دھماکے سے پھٹ گیا۔دوسری جانب نگراں وزیراعلیٰ سندھ جسٹس ریٹائرڈ مقبول باقر نے کندھ کوٹ میں راکٹ پھٹنے پر آئی جی سے رپوٹ طلب کرلی۔

اس خبر پر اپنی رائے کا اظہار کریں

اپنا تبصرہ بھیجیں