کراچی میں کینٹ اسٹیشن پر بیگ سے بم برآمد ہوا، جسے ناکارہ بنادیا گیا۔
ڈی آئی جی ساؤتھ اسد رضا کا کہنا ہےکہ برآمد بیگ میں آئی ای ڈی ڈیوائس موجود تھی، بم کو 2 کنٹرول بلاسٹ کے ذریعے ناکارہ بنایا گیا۔
ڈی آئی جی ساؤتھ کا کہنا ہےکہ مشکوک بیگ ٹرین میں سیٹ کے نیچے رکھا ہوا تھا۔
پولیس کا کہنا ہےکہ بم میں 2 کلو گرام کا دھماکا خیز مواد تھا، جس کا وزن 5 کلو تھا، دھماکہ خیز مواد کو ٹائم ڈیوائس کے ساتھ منسلک کیا گیا تھا، بم میں موٹر سائیکل کی بیٹری استعمال کی گئی تھی، ٹرین پشاور سے کینٹ اسٹیشن پہنچی تھی۔
