عمران خان اور شیخ رشید سمیت آبپارہ مقدمے میں نامزد رہنما بری

اسلام آباد:اسلام آباد کی عدالت نے بانی پی ٹی آئی سمیت تمام نامزدملزمان کو تھانہ آبپارہ میں درج مقدمے میں بری کردیا۔اسلام آباد کے ڈسٹرکٹ اینڈ سیشن کورٹس کے جوڈیشل مجسٹریٹ یاسر محمود نے محفوظ شدہ فیصلہ سنایا۔ بانی پی ٹی آئی عمران خان، شیخ رشید اور دیگرکی جانب سے سردار مصروف ایڈووکیٹ اور انصرکیانی نے دلائل دیے جس کے بعد عدالت نے کیس کا فیصلہ محفوظ کیا تھا۔

عدالت نے عمران خان، شاہ محمود، شیخ رشید، اسد قیصر اور دیگر کو تھانہ آبپارہ میں درج مقدمہ سے بری کردیا۔بانی پی ٹی آئی سمیت دیگر کے خلاف الیکشن کمیشن فیصلے کے خلاف احتجاج پرمقدمہ درج کیا گیا تھا۔

اس خبر پر اپنی رائے کا اظہار کریں

اپنا تبصرہ بھیجیں