تحریک انصاف کے بانی، سابق وزیراعظم عمران خان کے لاہور کے حلقہ این اے 122 سے کاغذات نامزدگی مسترد کرنے کا تحریری فیصلہ جاری کردیا گیا۔
ریٹرننگ افسر این اے 122 نے آٹھ صفحات پر مشتمل تحریری فیصلہ جاری کیا، جس کے مطابق سابق چیئرمین تحریک انصاف کے سزا یافتہ ہونے کے باعث کاغذات نامزدگی مسترد کئے گئے۔
تحریری فیصلے کے مطابق اسلام آباد کے ایڈیشنل سیشن جج نے سابق چیئرمین پی ٹی آئی کو اخلاقی پستی کے جرم میں سزا سنائی، جو تاحال معطل یا کالعدم قرار نہیں ہوئی۔
فیصلے کے مطابق بانی پی ٹی آئی کی نااہلی پانچ سال کیلئے ہوئی اور وہ بھی معطل یا کالعدم نہیں ہوئی۔