حمد باری تعالی (ڈاکٹر وسیم عباس ساؤتھ کوریا)

حمد آپ اے حمد بیان کیتی
بنا “م” دے حمد ہے حد وانگوں
بے حد ہے حمد و ثناء والا
بنا “م” دے بے حد حد وانگوں

میل “م” دا جد “ا” دے نال ہو یا
“م” “ا” وانگوں تے “ا” “م” وانگوں
جد میل میلاونا ہو چلیا
“ا” “م” نو ویکھے بس “م” وانگوں

جگ جگ اٹھیا جگ مگ اٹھیا
چولہ “ا” نے پایا جد “م” وانگوں
روشنائی اے “م” دی خدائی ساری
“ا” آپ لگدا اے”م” وانگوں

لکھاں پردیاں دے وچ حسن جس دا
اوس “م” دے جلوے نے کلیم وانگوں
واری صدقے ہندا جگ اودی آل اوتوں
کئی تار چھڈے نے وسیم وانگوں.

اس خبر پر اپنی رائے کا اظہار کریں

اپنا تبصرہ بھیجیں