حجاموڑو کریک کے قریب کھلے سمندر میں کشتی حادثے میں ڈوبنے والے 35 میں سے 33 ماہی گیروں کو ریسکیو کرلیا گیا جبکہ 2 کی تلاش جاری ہے۔
لانچ قطرے چھوٹی مچھلی کے شکار پر ابراہیم حیدری سے روانہ ہوئی تھی لیکن تیز ہواؤں کے سبب بلند لہروں نے ال اسد نامی کشتی الٹ دی۔
غلط سمت پر جال پھینک کر شکار کے دوران واقعہ رونما ہوا، پانی میں گرنے والے ماہی گیروں کو معمولی چوٹیں اور خراشیں آئی ہیں۔
حجامڑو کریک کراچی اور ٹھٹھہ کا درمیانی علاقہ ہے جو کہ پانچ گھنٹے کی مسافت پر ہے۔
