الیکشن ٹربیونل ججز نے ریٹرننگ افسران پر شدید برہمی کا اظہار کیا۔
الیکشن ٹربیونل کے جج جسٹس چوہدری عبدالعزیز نے عمیر نیازی ایڈووکیٹ کے این 89 اور 90 میانوالی سے کاغذات منظور کرتے ہوئے ریٹرننگ آفیسر کا فیصلہ کالعدم قرار دے دیا۔
فاضل جج نے کہا کہ سمجھ نہیں آتی آر اوز نے چھوٹی چھوٹی باتوں پر کاغذات کیوں مسترد کئے، اسسٹنٹ کمشنر آر او غیر آئینی کام کرے گا تو کیا بنے گا؟
الیکشن ٹربیونل ہائیکورٹ جج جسٹس مرزا وقاص رؤف نے بھی آر او کے پیش نہ ہونے اور سابق صوبائی وزیر راجہ بشارت کو فیصلے کی نقول فراہمی سے انکار پر برہمی کا اظہار کیا۔
ادھر اسلام آباد ہائیکورٹ میں الیکشن ٹریبونل جج جسٹس ارباب محمد طاہر نے شعیب شاہین ، نیاز اللہ نیازی، سید ظفر علی شاہ سمیت اب تک دائر کی گئی تمام درخواستوں کو یکجا کرتے ہوئے الیکشن کمیشن کو تمام درخواستوں پر جمعہ تک جواب جمع کرانے کا حکم دیا۔