ملک میں 68 لاکھ 8 ہزارجانوروں کی قربانی کی جائے گی

کراچی :پاکستان ٹینرز ایسوسی ایشن نے عید الاضحیٰ پرقربانی کے تخمینہ لگایا ہے۔پی ٹی اے کے مطابق ملک میں 68 لاکھ 8 ہزارجانوروں کی قربانی کا اندازہ ہے، 33 لاکھ بکرے، ساڑھے 28 لاکھ گائے ذبح ہونے کا تخمینہ ہے۔پی ٹی اے نے بتایاکہ ایک لاکھ 65 ہزار بھینسیں، 99 ہزاراونٹ ذبح ہونے کے اندازہ ہے جبکہ ملک میں3 لاکھ 85 ہزاربھیڑقربان ہونے کا تخمینہ لگایا گیا ہے۔

پاکستان ٹینرزایسوسی ایشن کا کہنا ہے کہ گائے کی کھال 1500 اور بکرے کی کھال 425 روپے رہنے کا اندازہ ہے۔پی ٹی اے کے مطابق گائے کی کھالیں 4 ارب 29 کروڑ روپے اور بکرے کی کھالیں ایک ارب 40 کروڑ 25 لاکھ روپے تک رہیں گی۔سابق صدر پی ٹی اے دانش خان کا کہناتھاکہ جانور مہنگا ہے، حصہ ڈال کر قربانی کرنا اس سال زیادہ ررہے گا، پی ٹی اے کے اندازوں میں10،15فیصدکمی بیشی کی گنجائش ہے، قربانی کے جانوروں کی کھالیں 6 ارب روپے کی ہونگی۔

انہوں نے کہا کہ کیمیکل پروسیسنگ کے بعد کھالوں کی مالیت 18 ارب روپے ہوگی، چمڑا ویلیوایڈہوکر جیکٹ، جوتا یا کچھ اور بناکربیچیں تو مالیت 35 ارب روپے تک پہنچے گی۔

اس خبر پر اپنی رائے کا اظہار کریں

اپنا تبصرہ بھیجیں