کراچی سمیت ملک کے مختلف شہروں میں چینی کی قیمتوں میں کمی و بیشی جاری ہے۔ کراچی میں ہول سیلز بازار میں چینی کی فی کلو قیمت 1 روپے کم ہوکر 174 روپے ہوگئی جب کہ ریٹیل سطح پر چینی 185 روپے سے 200 روپے فی کلو تک فروخت ہو رہی ہے۔پشاور میں پرچون میں چینی فی کلو 200 روپے میں فروخت کی جارہی، ہول سیل مارکیٹ میں چینی کی فی کلو قیمت 181 روپے ہے اور ہول سیل میں چینی کی 50 کلو کی بوری کی قیمت 9 ہزار 50 روپے ہے۔ کوئٹہ میں چینی کی فی کلو قیمت میں 5 روپے کا مزید اضافہ ہوا ہے، جس کے بعد چینی کی فی کلو قیمت 220 سے بڑھ کر 225 روپے ہوگئی۔
