لاہور سمیت پنجاب میں ڈینگی بخارکے مریضوں کی تعدادچوبیس گھنٹے کے دوران ایک سو اکیس ہوگئی۔ پنجاب میں رواں برس ڈینگی بخار مریضوں کی تعداد تین ہزار ایک سو ترانوے ہوگئی۔
محکمہ صحت پنجاب کے مطابق گزشتہ روز لاہور سے ڈینگی بخار کے اکتالیس مریض سامنے آئے۔لاہور میں رواں برس ڈینگی بخارکے مثبت مریضوں کی تعداد ایک ہزار دو سو چھیاسٹھ ہوگئی۔
چوبیس گھنٹے کے دوران راولپنڈی سے ڈینگی بخار کے انیتس جب کہ ملتان سے اٹھائیس مریض رپورٹ ہوئے۔گوجرانوالہ او فیصل آباد سے پانچ پانچ مریض سامنے آئے ہیں۔
